እሁድ ቀን በምሳ ረፋዱ ላይ

በቢዩፈርድ ጎዳና በጠራ ሰማይ

መኪናዋን ይዤ ሳበራት ከላይ

ተዝናንቼ በጣም ከጤንነት ጋር

ጥሩ እንቅልፍ ኖሮ የሰላም አዳር

ምስጋና ላምላኬም ረስቼው ነበር

ለጠዋቷ ጠሀይ ለተፈጥሮ ዉበት

ለጥሩ ጓደኞች ፈገግታና ጥረት

ለሆስፒታል ነርሶች የስራ ውጤት

ምስጋና ለነሱ በጣሙን ስደሰት

ሙዚቃ እየሰማሁ መኪና ስነዳ

ፊቴንም ሲገርፈው የነፋስ ሽውታ

ጠሃይዋም ስትግል ወደ ጥላው ጠጋ

ፍጡራን ሲሮጡ ምቾትን ፍለጋ

ከሁሉም ትልቁን ረስቼው ኖሬ

በምቾት ስገበዝ ጥሬ ተፍጨርጭሬ

አገር ሰላም ብዬ በመኪና ፋታ

ስበር ስከንፍ ለመድረስ ባነዳፍታ

ድንገት ሃሳብ ገብቶኝ መንገድ ለመቀየር

የፊት ለፊትና የቀኙን መስተዋት

በማድረግ ቀኘት ደግሞም መልከት መልከት

የመንገዱን ሰላም በደንብ በማየት

ፍሬቻ አብርቼ ወደ ቀኝ ስታጠፍ

ከቁጥጥር ውጪ ሆና መኪናዋ እርፍ

በዛ ድንጋጤ በነበረው አጥናፍ

ቤተሰብ ጓደኞች በፊቴ እልፍልፍ

አቤቱ አምላኬ ምስጋና ይድረስህ

ነፍሴን አተረፋት ጠጋ ቸርነትህ

በጠዋት ለርካታ ለደስታ ለፍቼ

አየር ለመቀበል መስኮቴን ከፍቼ

የተፈጥሮን ውበት ሳደንቅ ተዝናንቼ

ያንተን ጥበብ ስራ ድንቅነት ረስቼ

ለሰው ደግነት ምስጋናን ሰጥቼ

ለህየወትም ጥማት በፍቅር ሳስቼ

አጃኢብ በመውደድ አልቄ ሟሙቼ

የውሃ ጥማቴን በቅጡ አርክቼ

ያንተን ጥበብ ስራ ድነቅነት ረስቼ

የመኪና ፍጥነት የደቂቃ ቅስበት

ህይወትና ሞት ደግሞም ጣፋጭ ህይወት

አቤቱ አምላኬ ምስጋና ይድረስህ

ነፍሴን አተረፋት ጠጋ ቸርነትህ፤ ፤