ከስራ መጥቼ ደከም ብሎኛል

ምግብና ውሃ አስጠልተውኛል

ህይወት ወዲያ ወዲህ ትርጉም አጥቼበት

ትላንትና ዛሬም ኮምፒዩተር ትምህርት

እንደተለመደው ኢንተርኔት ገብቼ

ባህሩን ቀዝፌው በየብሱ ጠፍቼ

ኢትዮ ቻት ውስጥ ዘው አልኩኝ ለፍቼ

አቤት የስም ዐይነት እንዳው ለጉድ ነው

የደበራት አጅሬው ጎጃሜው ጎንደሬው

አጁ ስኳሯ ማሚ ቹና አስቀያሚው

ማሬ ወለላዬ ዱርዬ የኒውዮርክ አራዳው

በያይነቱ አለ ካልሰለቸው ለሱ

ስምን የሚመርጠው የሚያወጣው ራሱ

በ ኢንተርኔት ካፌ ጨዋታ ቢደራም

ኪቦረድ አደናቅፎ ከወሬ ባይጥልም

ዐይኔ ሲቀላውጥ የስም አይቶቹን

አንዷ ላይ አረፈ ዐይኔ ምስክንክን

ሚስ አቲቲዩድ ለራሷ ስም አውጥታ

አስደነገጠችኝ እኔን አርበትብታ

ለራሴ ቃል ገባሁ ባጠገቧ ላላልፍ

በስሟ በርግጌ እሷን ሳይ ስል እጥፍ

አንድ ቀን ደብሮኝ በ ኢንተርኔት ካፌ

ሳወራና ስስቅ እንዲሁም ሳዳምጥ

ሚስ አቲቲዩድ ገባች እያለች ገልመጥመጥ

አንዱ ጓደኛዋ ሰላምታ አስቀደመ

ደህና ነሽ ለጤናሽ? ብሎ ተደመመ

ደብሮኛል አለች አቲቲዩደኛዋ ሚስ

በማሳዘን ቃላት በለሰለሰ ድምጥ

ምን እንደው ሳላውቀው ልቤ ደከመባት

እጄም በኪቦርዱ ምን ሆነሽ ነው እያላት

እሷም እንዲያው በማሳዘን ሁሉን ነገረቺኝ

የየቀን ውሎዋን ትምህርቷን ድካሟን

ዘርዘር በማድረግ ዘከዘከችልኝ

በጥያቄና መልስ ስንመላለስ መሽቶ

ተግባባን መሰለኝ ጨዋታችን ደርቶ

ለማጥናናት ብዬ ልፍለፋዬን ጀመርኩ

እሷም ስታደምጠኝ ተዝናንቼ አለምኩ

ለካስ ስሟ እንጂ እሷስ ለስላሳ ናት

ቆንጆ የወፍ ርግብ እሷን ትውለድ እናት

እያልኩ ቀባጠርኩኝ በያዘኝ አባዜ

በቀን ህልም ላይ ኪቦርዱን ምርኩዜ

ትንሽ አወራነው አራምባና ቆቦ

ከዚህም ከዚያ ላይ ሃሳብ ተከናንቦ

ልቤም ደህና ሰንብች ብሏት አመስግኗት እሷን

ከ ኢንተርኔት ካፌ ጥፍት አለ እርሙን

አልፎ አልፎ ያያታል ካፌ ውስት ስትረብሽ

ሰላም ላንቺ ይሁንና ደህና ስንብትሽን

ጠይቆ ይረዳል ከዚያም እፎይ ይላል፤ ፤